नेपालगन्ज । नेपालगन्जको धम्बोझीमा भएको सवारी दुर्घटनामा मृत्यु भएकी किशोरीको सनाखत भएको छ । धम्बोझीबाट सेतुबिक जाने चोकको जेब्रा क्रसिङमा ट्याङ्करको ठक्करबाट नेपालगन्ज १७ की १७ वर्षीया सालिनी पाठकको मृत्यु भएको प्रहरीले जनाएको छ ।
प्रहरीका अनुसार पूर्वबाट पश्चिम तर्फ जाँदै गरेको ना ३ ख ८८५२ नम्बरको ट्याङ्करले सोही दीशाबाट आउँदै गरेको भे ११ प ७६५७ नम्बरको मोटरसाइकललाई ठक्कर दिँदा मोटरसाइकल पछाडी सवार पाठकको मृत्यु भएको हो । ठक्करबाट पाठकका बुवा दिलीपकुमार पाठक घाइते भएको जिल्ला ट्राफिक कार्यालय बाँकेका प्रमुख प्रहरी निरीक्षक गोपीकृष्ण सुबेदीले बताए । ठक्कर लगत्तै उद्धार गरि अस्पताल पठाइएकोमा चिकित्सकले किशोरी पाठकलाई मृत घोषणा गरेको उनले बताए ।
दुर्घटनाबारे अनुसन्धान सुरु गरिएको प्रहरीले जनाएको छ ।
प्रतिक्रिया