बुटवल । हरेक वर्ष झैं यस वर्षपनि बुटवलमा नेवाः किशोरीहरुको ईही (बेलबिबाह) र बटुकहरुको क्येटा पुजा (ब्रतबन्ध) हुने भएको छ । श्री नेवाः सेवा समिति बुटवलको आयोजनामा आगामी माघ २० र २१ गते नेवारी रीतिरिवाज अनुसार नेवाः पुरोहितबाट ईही तथा क्येटा पुजा हुने भएको हो ।
समितिको १४ औ संस्करणकारुपमा आयोजना गरिने पुजा कार्यका लागि बिभिन्न समितिहरु गठन गरिएको नेवाः सेवा समितिका अध्यक्ष चिरन्जिवी श्रेष्ठले जानकारी दिए । ईहीका लागि भगवती श्रेष्ठ र क्येटा पुजाका लागि लक्ष्मण श्रेष्ठलाई संयोजक तोकिएको अध्यक्ष श्रेष्ठले बताए ।
बुटवलको भूपु सैनीक देबीनगरको सभाकक्षमा आयोजना हुने पुजामा आ-आफ्ना बालबालिकालाई सहभागी बनाइदिन समितिले आग्रह गरेको छ । समितिले हरेक वर्ष आयोजना गर्ने पुजामा बुटवल लगायत यस आसपासका गुल्मी, अर्घाखाँची, पाल्पा लगायतका जिल्लाबाट नेवाः किशोर किशोरीहरु पुजामा सहभागी हुँदै आएका छन् ।
प्रतिक्रिया