बुटवल । बुटवल उपमहानगरपालिका वडा नम्बर-११ होराइजन चोकमा नेफिस्यो एस्प्रेस्सो एकेडेमी संचालनमा आएको छ । २० लाख लगानीमा २६ वर्षीय नविन अधिकारीले बुटवल ११ होराइजन चोकमा नेफिस्यो एस्प्रेस्सो एकेडेमी संचालनमा ल्याएका हुन् ।
विभिन्न स्थानमा काम गरेको अनुभवलाइ संगालेर उनले आफ्नै लगानीमा एकेडेमी संचालन गरेका हुन । उनको एकेडेमीमा अहिले खासगरि बारिष्टा (कफी बनाउने) ट्रेनिङ र सुसी (जापनीज खाना) बनाउने तालिम चलि रहेको छ । उनले भने – ‘मैले सन् २०१९ बाट सिकाउन थालें, डेढ वर्षदेखि होराईजन चोकमा चलाएको छु, होटलहरुमा कामका लागि विदेश जानेहरुले यो कोर्ष तालिम अनिवार्य नै छ ।’
२० प्रतिशत थ्योरी, ८० प्रतिशत प्राक्टिकल गरेर सिकाइने उनको भनाइ छ । उनले डेढ वर्षमा करिब ३ सय जना विद्यार्थीलाई सिकाइसकेको बताए ।
बारिष्टा, सुसि (जापनीज खाना) १ महिने कोर्ष दैनिक २ घण्टा, यसमा बेसिक, एडभान्स र प्रोफेसनल तालिम चलाउने गरेको उनले सुनाए । सुसितर्फ सेफ सुरज जर्गाले तालिम दिने गरेका छन् ।
बारिष्टालाइ मासिक २० हजार शुल्क लाग्ने उनको भनाइ छ । उनले भने – ‘बारिष्टामा आर्ट बढी महत्वपूर्ण हुन्छ विदेश जानेहरु सीप नसिकी जाँदा समस्या हुन्छ, कमाइ पनि कम हुन्छ ।’
प्रतिक्रिया