सर्वोच्चको न्यायाधीशमा सिफारिस ६ जनाको नाम संसदीय समितिबाट अनुमोदन

काठमाडौं । संसदीय सुनुवाइ समितिले सर्वोच्च अदालतको न्यायाधीशमा सिफारिस भएका छ जनाको नाम अनुमोदन गरेको छ ।

समितिको बुधबार बसेको बैठकले न्यायाधीशमा सिफारिस भएका सबै छ जानको नाम अनुमोदन गरेको हो। अनुमोदित हुने न्यायाधीशहरुमा महेश शर्मा पौडेल, टेकप्रसाद ढुंगाना, सारंगा सुवेदी, अब्दुल अजिद मुसलमान, सुनिल पोखरेल र बालकृष्ण ढकाल छन् ।

न्यायपरिषदले गत मंसिर ५ गते उनीहरुलाई सर्वोच्च अदालतको न्यायाधीशमा सिफारिस गरेको थियो। त्यसपछि उनीहरूको संसदीय सुनुवाइ भएको थियो।

सर्वोच्च अदालतमा अझै एक जना न्यायाधीश पद रिक्त रहेको छ ।