पाल्पा । पाल्पामा आगलागीबाट ९ महिनाकी बालिकाको मृत्यु भएको छ । पाल्पाका निस्दी गाउँपालिका ३ क्यामरुङमा श्यामबहादुर पल्लीको घरमा लागेको आगोमा जलेर ९ महिनाको बालिकाको मृत्यु भएको हो ।
प्रहरीका अनुसार गोठमा गाईबस्तुलाई कुडो पकाउन सल्काएको आगो सल्किन गई आगलागि भएको हो । ९ महिनाकी बालिकालाई सुताई घरको अन्य परिवार नजिकै बारीमा काम गर्न गएको अवस्थामा आगलागी भएकोमा बालिकाको जलेर मृत्यु भएको पाल्पा प्रहरी प्रवक्ता डीएसपी सुगन्ध रुेष्ठले बताए ।
आगलागीबाट गोठमा भएको १ वटा बाखा र १ वटा भैसीसमेत जलेर मरेको तथा १ भैंसी आगोमा जलेर घाइते भएको प्रहरीले जनाएको छ । बालिकाको शव पोष्टमार्टमका लागि पठाइएको र घटनाको थप अनुसन्धान भइरहेको डीएसपी श्रेष्ठले बताए ।
प्रतिक्रिया