खजुरा । बाँकेको खजुरा ४ ई गाउँमा शनिबारदेखि जारी खुल्ला नकआउट फूटबल प्रतियोगिताको आइतबारको खेलमा आयोजक न्यू दर्पण युवा स्पोर्ट्स क्लव सि बिजयी भएको छ । न्यु दर्पणले युनाइटेड वारीयर नेपालगन्जलाई ० का विरुद्ध १ गोलको अन्तरले पराजित गर्दै बिजयी भएको हो । न्यू दर्पणका अविशेष सुनारले बिजयी गोल गरेका थिए । म्यान अफ म्याच सुनारलाई समाजसेवी शंकर रावत र युनाइटेड स्कुल नेपालगन्जका प्राचार्य सतानन्द उपाध्यायले नगद पुरस्कार दिए ।
न्यू दर्पण युवा स्पोर्ट्स क्लबको आयोजनामा पुस १६ गते सम्म संचालन हुने प्रतियोगितामा १७ टोलीको सहभागिता रहेको क्लबका अध्यक्ष प्रकाश केसीले जानकारी दिए ।
प्रतियोगिताको बिजेतालाई १ लाख,दोश्रो हुनेलाई ५१ हजार नगद पुरस्कारको ब्यवस्था गरिएको छ । ई गाउँस्थित मनकामना माविको खेल मैदानमा सोमबार अरुणोदय स्कुल खजुरा र पुल्चोक युवा सन्जाल र जेवाइसी चिसापानी र ब्रदर एफसी बीच खेल हुनेछ ।
प्रतिक्रिया