बुटवल । रुपन्देही प्रहरीले भारतबाट भन्सार छलेर नेपाल भित्राइँदै गरेको प्याज बरामद गरेको छ । ८ वटा मोटर साइकलमा लोड गरेर नेपाल भित्राइँदै गरेको ३९ बोरा प्याज बरामद गरिएको प्रहरीले जनाएको छ ।
प्रहरीका अनुसार जिल्ला प्रहरी कार्यालय रुपन्देहीबाट खटिएको प्रहरी टोलीले भारतबाट नेपाल तर्फ अबैध रुपमा भन्सार छली चोरी पैठारी गरी ल्याउदै गरेको ४ लाख ७१ हजार मुल्य वरावरको प्याज लुम्बिनी सांस्कृतिक नगरपालिका वडा नं १२ लोखडियाबाट बरामद गरेको हो ।
प्रहरीलाई देखेलगत्तै प्याज तस्करी गर्नेहरु मोटरसाइकल छाडेर भागेको प्रहरीले दाबी गरेको छ । ८ वटा मोटरसाइकल तथा ३९ बोरामा भरिएको १५६० केजी प्याज भन्सार कार्यालय बेलहिया पठाइएको प्रहरीले जनाएको छ ।
प्रतिक्रिया