७ श्रावण २०८१, सोमबार | July 23, 2024

पुष २० र २१ गते बुटवलमा प्रदेश स्तरीय ब्याडमिन्टन प्रतियोगिता हुने



बुटवल । बुटवलमा पुष २० र २१ गते प्रदेश स्तरीय ब्याडमिन्टन प्रतियोगिता हुने भएको छ । न्यू लुम्बिनी ब्याडमिन्टन क्लब बुटवलको आयोजनामा प्रथम प्रदेश स्तरीय मेयर कप खुल्ला तथा भेट्रान्स ब्याडमिन्टन प्रतियोगिता हुने भएको हो ।

‘राष्ट्रको लागि खेलकूद स्वास्थ्यका लागि खेलकूद भन्ने मूल नाराका साथ क्लबको कभर्डहल बुटवल-७ शिवनगरमा पौष २० र २१ गतेदेखि प्रतियोगिता सुरु हुने आयोजकले जानकारी दिएका छन ।

मेन्स डबल खुल्ला र भेट्रान्स गरी दुई ईभेन्टमा हुने प्रतियोगितामा करिब १५० टिमको सहभागीता रहने न्यू लुम्बिनी ब्याडमिन्टन क्लबका अध्यक्ष बोनिन पियाले जानकारी दिए ।

दुई दिनसम्म संचालन हुने प्रतियोगिताको विजेताले खुल्लातर्फ ५१ हजार १११ रुपैया नगद राशीसहित कप, मेडल र प्रमाणपत्र प्राप्त गर्ने छ भने उपविजेताले ३५ हजार १११ रुपैया नगद राशी प्राप्त गर्ने छ । यसैगरि अन्तिम ४ मा पुग्ने दुई समूहले ११ हजार १११ नगद राशी प्राप्त गर्ने आयोजकले जनाएको छ ।

भेट्रान्सतर्फ विजेताले ३१ हजार १११ नगद राशीसहित कप मेडल र प्रमाणपत्र प्राप्त गर्ने छ भने उपविजेताले २१ हजार १११ तथा अन्तिम ४ मा पुग्ने दुई समुहलाई १५ हजार १११ नगद राशी प्रदान गरिने आयोजकले जनाएको छ ।

यसैगरी विधागततर्फ अनुशासित र उदयमान खेलाडीमा आकर्षक पुरस्कारको व्यवस्था गरिएको जनाएको छ । प्रतियोगितामा सहभागिताका लागि शुल्लातर्फ प्रतिसमूह ३ हजार तथा भेट्रान्सतर्फ २ हजार ५ सय प्रवेश शुल्क राखिएको छ । प्रतियोगिता समापन गर्न १३ लाख खर्च अनुमान गरिएको आयोजकले जनाएको छ ।

प्रतियोगिता सम्पन्न गर्न बुटवल उपमहानगर पालिकाबाट ८ लाख तथा लुम्बिनी प्रदेश खेलकुद परिषदबाट ५ लाख आर्थिक सहयोग प्राप्त हुने र विभिन्न निजी कम्पनीहरुबाट प्रायोजनको व्यवस्ता भएको अध्यक्ष पियाले जानकारी दिए । प्रदेश खेलकुद परिषद संरक्षक रहेको प्रतियोगितामा विभिन्न निजी कम्पनीहरुले पुरस्कार सौजन्यका लागि प्रतिवद्धता गरिसकेको उनले बताए ।

प्रतियोगिता बारे जानकारी दिन मंगलबार आयोजित पत्रकार सम्मेलनमा बोल्दै लुम्बिनी खेलकुद विकास परिषदका अध्यक्ष जयप्रकाश भट्टराईले प्रतियोगिता नयाँ खेलाडी उत्पादनका लागि महत्वपूर्ण रहेको उल्लेख गरे ।

प्रकाशित मिति : १७ पुस २०८०, मंगलबार  २ : ५२ बजे

को हुन् लुम्बिनी प्रदेशका मुख्यमन्त्री आचार्य ?

अर्घाखाँची । लुम्बिनी प्रदेशको मुख्यमन्त्रीमा नियुक्त हुनुभएका चेतनारायण अचार्य अर्घाखाँची

सर्वोच्चमा महिला प्रहरीमाथि अभद्र व्यवहार गर्ने पक्राउ

काठमाडौं । सर्वोच्च अदालतमा महिला प्रहरीलाई अभद्र व्यवहार गर्ने एक

देशभरका नौ सडकखण्ड अवरुद्ध, एक सय ५९ एकतर्फी सञ्चालनमा

काठमाडौं । बाढीपहिरो तथा अन्य कारणबाट मुलुकभरका नौवटा सडकखण्ड पूर्ण

‘पारदर्शी र असल अभ्यासको अभावले ऐन कार्यान्वयनमा समस्या’

बुटवल । बुटवलमा पछिल्लो परिवर्तित कर तथा भन्सार नीतिलगायतका बिषयमा

ब्रम्हकुमारी ईश्वरीय विश्वविद्यालय नेपालगन्जमा सञ्चारकर्मीहरुका लागि स्नेहमिलन

नेपालगन्ज । ब्रह्मकुमारी ईश्वरीय विश्वविद्यालय, राजयोग प्रशिक्षण केन्द्र, नेपालका केन्द्रीय