अत्याधिक चिसो बढेपछि रुपन्देहीका विद्यालयहरुमा सार्वजनिक बिदा दिने निणर्य

बुटवल । रुपन्देहीमा पछिल्लो केही दिनयता हुस्सु र कुहिरोसँगै चिसो बढेपछि रुपन्देहीका स्थानीय पालिकाहरुले विद्यालयमा सार्वजनिक बिदा दिने निणर्य गरेका छन ।

अत्याधिक चिसो बढेपछि बुटवल उपमहानगरपालिकाले आज माघ ७ देखि ९ गतेसम्म ३ दिन विद्यालयहरुमा जाडो बिदा दिएको हो । उपमहानगरपालिका प्रमुख प्रशासकीय अधिकृत मित्रमणी खनालले एक सूचना जारी गरि उपमहानगरपालिका भित्रका सबै विद्यालयमा बिदा दिने बताए ।

त्यस्तै तिलोत्तमा नगरपालिकाले माघ १० गतेसम्म सार्वजनिक बिदाको आह्वान गरेको छ । यसैगरी सिद्धार्थनगरनगरपालिका लगायतका अन्य पालिकाहरुले पनि सार्वजनिक बिदा आह्वान गरेका छन् ।

चिसो अत्याधिक बढेका कारण बालबालिकाहरु तथा वृद्धवृद्धाहरुलाई सकेसम्म घर बाहिर ननिस्कन चिकित्सकहरुले सल्लाह दिएका छन् । सकेसम्म उनीहरुलाई न्यायो ठाउँमा बस्नुपर्ने बताइएको छ । यसैगरी अन्य उमेर समूहका व्यक्तिहरुले समेत न्यानो र बाक्लो कपडा लगाएर बाहिर निस्कन चिकित्सकहरुको सल्लाह छ ।