बुटवल । जेनजी आन्दोलनका कारण बन्द भएका रुपन्देहीका विद्यालय आजदेखि नियमित रूपमा सञ्चालन हुने भएका छन् । आन्दोलन सामान्य बन्दै गएपछि विद्यालय सञ्चालनमा आउने निर्णय भएको हो ।
शनिबार जारी गरिएको संयुक्त विज्ञप्तिमा प्याव्सन रुपन्देहीका अध्यक्ष दिपक खनाल, नेशनल प्याव्सन रुपन्देहीका अध्यक्ष बाबुराम बन्जाडे र हिसान रुपन्देहीका अध्यक्ष कृष्णबहादुर न्यौपानले विद्यालय आजदेखि सञ्चालन हुने जनाएका छन् ।
विज्ञप्तिमा आन्दोलनका कारण अवरुद्ध पठनपाठनलाई अब निरन्तर अघि बढाइने र विद्यार्थीको सिकाइलाई सन्तुलनमा ल्याउन विद्यालयहरूले आवश्यक व्यवस्थापन गर्ने उल्लेख गरिएको छ ।
प्रतिक्रिया