तिलोत्तमा । तिलोत्तमा नगरपालिकामा जारी पाँचौं नगरस्तरीय राष्ट्रपति रनिङ शिल्ड छनौट प्रतियोगितामा अहिलेसम्म ५४ मध्ये ४६ स्वर्ण पदकको टुगों लागेको छ ।
सोमबारबाट सुरु भएको प्रतियोगितामा अहिलेसम्म कराँते र तेक्वान्दोतर्फका खेलहरु सम्पन्न भैसकेका छन भने एथ्लेटिक्स तर्फका केही खेलहरुको टुगों लागिसकेको छ ।
बुधबार ३ हजार मिटर दौड, ४ गुणे ४०० मिटर रिले दौड, ज्याभलिन थ्रो तथा भलिबल र कबड्ढीका सेमीफाइनल एवं फाइनल खेलहरु सम्पन्न गरिने आयोजक तिलोत्तमा नगरपालिका शिक्षा तथा खेलकुद शाखा प्रमुख गंगाराम आचार्यले जानकारी दिए । तिलोत्तमा नगर खेलकुद विकास समितिको आयोजनामा सोमबारबाट सुरु भएको प्रतियोगिता बुधबार समापन हुनेछ ।
तिलोत्तमा-४, डिङ्गरनगर स्थित जनज्योती क्लबको खेल मैदानमा सञ्चालन भएको प्रतियोगितामा नगरभित्रका सामुदायिक र संस्थागत गरी ३८ विद्यालयहरुले प्रतिस्पर्धामा भाग छन भने प्रतियोगितामा प्रथम, द्धितिय र तृतीय हुने विद्यालयलाई नगद रु ३० हजार, २० हजार र १० हजार सहित शिल्ड, मेडल र प्रमाणपत्रले सम्मान गरिनेछ । प्रतियोगितामा १४ सय विद्यार्थीको सहभागिता रहेको छ ।
प्रतिक्रिया