विराटनगर । कोशी प्रदेशको राष्ट्रियसभा निर्वाचनमा गठबन्धन उम्मेदवार कृष्णप्रसाद सिटौला विजयी भएका छन् । कोशी प्रदेशबाट अन्यतर्फ उम्मेदवार बनेका सिटौलाले एमाले-राप्रपा गठबन्धनका उद्धव पौडेलले भन्दा ७३० मतभार बढी ल्याएर निर्वाचित भएका हुन् ।
सिटौलाले प्रदेशसभातर्फ २३८५ मतभार पाए भने पौडेलले २४९१ मतभार पाए । स्थानीय तहतर्फ सिटौलाले २९०७ र पौडेलले २०७१ मतभार पाए ।
सिटौलाले कुल ५२९२ र पौडेलले ४५६२ मतभार पाए । सिटौलालाई कांग्रेस, माओवादी केन्द्र, एकीकृत समाजवादी र जनता समाजवादी पार्टीको समर्थन थियो ।
२ जना प्रदेशसभा सदस्यले फ्लोर क्रस गरेर पौडेललाई मत हाले पनि स्थानीय तहतर्फबाट भने उनले मत पाउन सकेनन्।
उनले स्थानीय तह तर्फबाट भने १०९ जनाको मात्रै मत पाए । राष्ट्रियसभाको अध्यक्ष बनाउने गरी सिटौलालाई सत्ता गठबन्धले कोशीबाट उम्मेदवार बनाएपछि एमालेले सिटौला हराउने लक्ष्य सहित राप्रपासँग गठबन्धन गरेको थियो ।
कोशी प्रदेशमा सत्ता गठबन्धनका मतदाताले फ्लोर क्रस गर्दा महिला कोटामा भने एमाले उम्मेदवार रूक्मिणी कोइराला विजयी भएकी थिइन् । एमालेकी उम्मेदवार रूक्मिणी कोइरालाले माओवादी केन्द्रकी उम्मेदवार चम्पादेवी कार्कीले भन्दा बढी मतभार ल्याउँदै विजयी भएकी हुन् ।
प्रतिक्रिया