नेपालगन्ज । बाँकेमा रहेका लुम्बिनी प्रदेश अन्तर्गत रहेका सरकारी कार्यालयले चालु आर्थिक वर्षको पुस मसान्त सकिँदा पुँजीगत तर्फ १८ प्रतिशत मात्रै बजेट खर्च गरेका छन् । ती कार्यालयहरुले चालु तर्फ १९ प्रतिशत मात्र बजेट खर्च गरेका छन् ।
चालु आर्थिक वर्ष २०८०/०८१ का लागि प्रदेशले पुँजीगत तर्फ २ अर्ब १८ करोड ८२ लाख ७६ हजार रुपैयाँ विनियोजन गरेकोमा पुस महिनासम्म ३९ करोड ६७ लाख ८७ हजार ६ रुपैयाँ मात्र खर्च भएको प्रदेश लेखा इकाई कार्यालय नेपालगन्जले जनाएको छ । ।
इकाई कार्यालय नेपालगन्जका अनुसार आर्थिक वर्ष २०८०/०८१ का लागि चालुतर्फ १ अर्ब ४५ करोड २९ लाख २७ हजार बजेट विनियोजन गरेकोमा २८ करोड २४ लाख ८३ हजार १ सय ३१ रुपैयाँ मात्र खर्च भएको छ ।
प्रदेश सरकार अन्तर्गत रहेका कार्यालयले चालु आर्थिक वर्ष २०८०/०८१ को पुस महिनासम्म अघिल्लो वर्ष भन्दा बृद्धि गर्दै ४२ करोड ३७ लाख ९८ हजार ८ सय रुपैयाँ बराबरको राजश्व संकलन गरेको इकाई कार्यालयले जानकारी दिएको छ । यसअघि गत आर्थिक वर्ष २०७९/०८० को पुस महिनासम्म कार्यालयले ३९ करोड ४० लाख ६१ हजार ४ सय ४० रुपैयाँ राजश्व संकलन गरेका थिए ।
प्रतिक्रिया