बुटवल । प्रहरीले बुटवल उप-महानगर १५ सेमलारबाट २ जना लागु औषध ब्राउनसुगरका कारोबारेलाई पक्राउ गरेको छ । ईलाका प्रहरी कार्यालय रन्यौराबाट खटिएको प्रहरी टोलिले बुटवल उप-मानगरपालिका वडा नं। १५ सेमलारबाट ७०० मिलीग्राम ब्राउन सुगर सहित २ जनालाई पक्राउ गरेको हो ।
पक्राउ पर्नेमा स्थानीय सकुन्तला मानन्धर र विपिन छन्त्याल रहेका छन् । उनीहरुबाट ७०० मिलीग्राम ब्राउनसुगर बरामद भएको प्रहरीले जनाएको छ । लागु औषध कारोवार हुँदैछ भन्ने गोप्य सूचनाको आधारमा प्रहरी टोली खटाइएकोमा मानन्धर र छन्त्याललाई फेला पारी निजहरुको शरिर खानतलासी लिँदा निजहरुको साथबाट लागु औषध ब्राउन सुगर फेला परेको इलाका प्रहरी कार्यालय बुटवलका प्रमुख डीएसपी विजयराज पण्डितले बताए ।
पक्राउ परेकाहरुलाई लागु औषध कसुर शिर्षकमा मुद्दा दर्ता गरी थप अनुसन्धान भई रहेको प्रहरीले जनाएको छ ।
प्रतिक्रिया