काठमाडौं । यती एयरलाइन्सले नेपाली आकाशका लागि एकैसाथ दुइवटा जहाज थपेको छ। निजी वायुसेवा कम्पनी यतीले बिहीबार एकैपटक दुईवटा ‘एटिआर ७२–५००’ सिरिजको जहाज थप गरेको हो।
थप भएको जहाजले नेपाली दर्ता नम्बर ‘९एन–एओएफ’ र ‘९एन–एओएच’ पाएका छन् । विमान थप गरेसँगै यतीसँग एटीआर ७२–५०० सिरिजको जहाज ७ पुगेको छ। यी जहाज बिहीबार साँझ ५ः२० र ५ः३० बजे त्रिभुवन अन्तर्राष्ट्रिय विमानस्थल अवतरण गरेको हो।
यतीले ७२ सिट क्षमताको दुईवटै जहाज बंगलादेशबाट खरिद गरी ल्याएको हो।
हाल यतीले सुगम गन्तव्य काठमाडौं, चन्द्रगढी, विराटनगर, जनकपुर, सिमरा, पोखरा, भैरहवा, नेपालगञ्ज तथा पर्वतीय उडान गर्दै आएको छ।
यद्देपी नेपाली विमान कम्पनी यती एयरलाइन्स सन् २०२४ मा हवाई यात्रुहरूले चढ्न नहुने विमान कम्पनीको सूचीमा परेको छ।
टिकर न्युज डट कोले सोमबार सार्वजनिक गरेको यस्तो सूचीमा समावेश विश्वका तीन विमान कम्पनीमा नेपालको यती एयरलाइन्स पनि परेको हो।
इन्डोनेसियाको लायर एयर, नेपालको यती एयरलाइन्स र पपुवा न्यु गिनीको पीएनजी एयर चढ्न नहुने हवाई कम्पनीमा परेका हुन्।
प्रतिक्रिया