फागुन १८ गतेबाट लुम्बिनी प्रदेशसभाको हिउँदै अधिवेशन आह्वान

नेपालगन्ज । लुम्बिनी प्रदेशका प्रदेश प्रमुख अमिक शेरचनले लुम्बिनी प्रदेश सभाको हिउँदे अधिवेशन आगामी फागुन १८ गते शुक्रवार दिउँसो ३ बजेका लागि आह्वान गरेका छन् । प्रदेश प्रमुख शेरचनले फागुन १८ मा दोस्रो प्रदेश सभाको तेस्रो प्रदेश अधिवेशन आह्वान गरेका हुन् ।

संविधानको धारा १८३ को उपधारा १ र धारा १६६ को उपधारा २ अनुसार मन्त्रिपरिषद्‌को निर्णयसहित मुख्यमन्त्रीबाट प्रदेश प्रमुखलाई गरिएको सिफारिश अनुसार प्रदेश प्रमुख शेरचनले बैठक आह्वान गरेका हुन् ।

नेपालको संविधानको धारा १८३ को उपधारा १ बमोजिम २०८० फागुन १८ गते दिउँसो ३ बजे प्रदेश सभाको बैठक प्रदेश सभा भवन राप्ती उपत्यका देउखुरीमा गरी प्रदेश प्रमुख अमिक शेरचनले अधिवेशन आह्वान गरेका प्रदेश प्रमुखको कार्यालयका प्रवक्ता भूमिश्वर ढकालले बताए ।