बुटवल । तेस्रो राष्ट्रिय नृत्य दिवस २०८० मा लुम्बिनीबाट दाङको झुमरा र पाल्पाको झेउरे नृत्य प्रस्तुत हुने भएको छ । नृत्य निर्देशक संघ नेपाल काभ्रेपलाञ्चोक जिल्ला शाखाको व्यवस्थापन तथा नेपाल संगीत तथा नाट्य प्रज्ञा प्रतिष्ठानको सहकार्यमा ‘तेस्रो राष्ट्रिय नृत्य दिवस २०८०’ हुन लागेको छ ।
नृत्य निर्देशक संघ नेपालको आयोजनामा विगत ३ वर्षदेखि हरेक वर्ष फागुन ६ गते राष्ट्रिय नृत्य दिवस मनाउँदै आएको छ । सो कार्यक्रममा लुम्बिनी प्रदेशबाट तेस्रो राष्ट्रिय नृत्य दिवस २०८०मा लुम्बिनीबाट दाङको झुमरा र पाल्पाको झेउरे नृत्य प्रस्तुती रहने भएको हो ।
कार्यक्रममा देशका ७ वटै प्रदेशबाट झाँकी सहित ७७ वटै जिल्लाबाट विभिन्न कला, संस्कृति समावेश नृत्यहरु समावेश हुने छ्न। कार्यक्रममा संस्कृति, पर्यटन तथा नागरिक उड्यन राज्यमन्त्री सुशीला श्रीपाली ठकुरीको प्रमुख आतिथ्यतामा रहने छ ।
गत वर्ष नृत्य निर्देशक संघ नेपाल लुम्बिनी प्रदेशको आयोजनामा बुटवलको बिबिसि हालमा देश भरिका नृत्य कालाकारहरु बिच सम्पन भएको थियो ।
प्रतिक्रिया