श्रीमती र २ छोरीको हत्यापछि फरार श्रीमान झुण्डिएको अवस्थामा मृत फेला

काठमाडौं । नागार्जुन नगरपालिका-६ स्वयम्भुमा आफ्नै श्रीमती र २ छोरीको हत्या गरेर फरार भएका श्रीमान् झुण्डिएको अवस्थामा मृत भेटिएका छन् ।

आज बिहान ३९ वर्षीया ईश्वरी श्रेष्ठ, ८ वर्षीया छोरी अनिशा र २ वर्षीया छोरी शिवानीको हत्या पछि फार रहेका बुवा राजु घिमिरे (सुनार) नागार्जुनको जंगलमा झुण्डिएको अवस्थामा फेला परेको प्रहरीले बताएको छ । सुनारका श्रीमती र २ छोरीको शव आज बिहान उनीहरु बस्दै आएको कोठामा भेटिएको थियो ।

आमा र दुई छोरीको हत्या गरी श्रीमान्‌ले आत्महत्या गरेको प्रहरीको प्रारम्भिक आशंका गरेको छ ।

सोलुखुम्बु घर भई सितापाइलामा डेरा गरी बस्ने उनीहरू दैनिक ज्यालादारीमा गुजारा चलाउने परिवार रहेको बताइएको छ ।