७ श्रावण २०८१, सोमबार | July 23, 2024

रुपन्देहीका मुद्रण उद्योगीहरुको कार्यशाला तानसेनमा



तानसेन । मुद्रण उद्योग संघ, रुपन्देहीको दूई दिवशीय कार्यशाला पाल्पामा सम्पन्न भएको छ । संघले आयोजना गरेको कार्यशालामा संघको २ बर्षे रणनैतिक कार्य योजना तथा संस्थागत विकासका बारेमा छलफल भएको संघले जनाएको छ । गोष्ठी शुक्रबार र शनिबार दुई दिनसम्म चलेको थियो ।

कार्यशालामा बोल्दै नेपाल मुद्रण उद्योग महासंघका अध्यक्ष विष्णु तिवारीले व्यवसायीहरुले आफुभित्र रहेको गलत चिन्तन र व्यवहारलाई हटाएर मुद्रण व्यवसायलाई समयानुसार स्तरयुक्त बनाउँदै लैजानु पर्ने कुरामा जोड दिए । उनले अहिले आधुनिक प्रविधिको युुग भएकाले मुद्रण व्यवसायलाई पनि सोहि अनुसार स्तरयुक्त बनाएर लैजान नसकेमा व्यवसाय धाराशाही हुने बताए ।

तिवारीले सरकारलाई मुद्रण व्यवसाय लक्षित बन्ने कानूनहरुलाई समय अनुकुल बनाउन दवाब दिनुपर्ने कुरामा जोड दिदै मुद्रण व्यवसायमा देखिएको अस्वस्थ प्रतिस्पर्धालाई व्यवस्थित बनाएर लैजान आग्रह गरे ।

कार्यक्रममा नेपाल मुद्रण उद्योग महासंघका द्वितीय उपाध्यक्ष मनोज जिसीले हाल मुलकको आर्थिक तरलताका कारण मुद्रण व्यवसायमा समेत समस्याहरु देखिएको बताउदै जिल्लाका कामहरु बाहिर जाँदा व्यवसायीहरु मर्कामा परेको हुदा रोक्ने उपायको खोजी गर्न सुझाव दिए ।

संघका संस्थापक अध्यक्ष खेमप्रसाद लुईटेलले सरकारको आर्थिक र भन्सार नीतिमा देखिएका कतिपय अस्पष्टताका कारण मुद्रण व्यवसायमा धेरै समस्याहरु आएको भन्दै व्यवसायीवीचको एकतामा जोड दिए ।

कार्यक्रममा संघका अध्यक्ष पशुपति पौडेलले मुद्रण व्यवसायमा देखिएका समस्या समाधान गर्दै व्यवसायीवीचको एकतालाई बलियो बनाउन संघ सधै कटिवद्ध रहेको बताए । उनले रणनीति बनाएर अगाडी बढ्ने पनि प्रतिबद्धता ब्यक्त गरे ।

नेपाल मुद्रण उद्योग महासंघ लुम्बिनीका अध्यक्ष घनश्याम घिमिरेले सरकारी काममा कमिसनको खेलका कारण मोफसलका कामहरु बाहिर जाँदा व्यवसायीहरु मर्कामा परेको बताए ।

कार्यशालामा प्रशिक्षक दीपक ढकालले सहजकर्ताको भूमिका निर्वाह गरेका थिए । उनले प्रविधिको विकाससँगै समय सापेक्ष र समय अनुकुलका व्यवसायिक योजना बनाउन तथ्याङक वेसमा काम गर्न सुझाव दिएका थिए ।

कार्यक्रममा मुद्रण उद्योग संघ रुपन्देही कार्य समिति, प्रदेश समिति र केन्द्रीय पदाधिकारीसहित २२ जनाको सहभागीता रहेको थियो । दुई दिने गोष्ठीले आगामी दुई वर्षको व्यसायिक र रणनीतिक योजना निर्माण गरेको छ ।

 

प्रकाशित मिति : २६ फाल्गुन २०८०, शनिबार  ९ : ३० बजे

को हुन् लुम्बिनी प्रदेशका मुख्यमन्त्री आचार्य ?

अर्घाखाँची । लुम्बिनी प्रदेशको मुख्यमन्त्रीमा नियुक्त हुनुभएका चेतनारायण अचार्य अर्घाखाँची

सर्वोच्चमा महिला प्रहरीमाथि अभद्र व्यवहार गर्ने पक्राउ

काठमाडौं । सर्वोच्च अदालतमा महिला प्रहरीलाई अभद्र व्यवहार गर्ने एक

देशभरका नौ सडकखण्ड अवरुद्ध, एक सय ५९ एकतर्फी सञ्चालनमा

काठमाडौं । बाढीपहिरो तथा अन्य कारणबाट मुलुकभरका नौवटा सडकखण्ड पूर्ण

‘पारदर्शी र असल अभ्यासको अभावले ऐन कार्यान्वयनमा समस्या’

बुटवल । बुटवलमा पछिल्लो परिवर्तित कर तथा भन्सार नीतिलगायतका बिषयमा

ब्रम्हकुमारी ईश्वरीय विश्वविद्यालय नेपालगन्जमा सञ्चारकर्मीहरुका लागि स्नेहमिलन

नेपालगन्ज । ब्रह्मकुमारी ईश्वरीय विश्वविद्यालय, राजयोग प्रशिक्षण केन्द्र, नेपालका केन्द्रीय