काठमाडौं । लियो सविन भट्टराईलाई ‘लियो जिल्ला परिषद् ३३५ जे’को अध्यक्षमा निर्वाचित भएका छन् ।
पोखरा सभागृहमा शनिबार सम्पन्न लियो जिल्ला परिषद ३२५ जे नेपालको दोश्रो जिल्ला अधिवेशनले भट्टराईलाई अध्यक्षमा निर्वाचित गरेको हो । परिषद बैठक तथा अधिवेशनले लायन वर्ष २०२४/२५ को लागि जिल्ला अध्यक्षमा लियो क्लब अफ काठमाडौं उपकारका पूर्वअध्यक्ष भट्टराई र उपाध्यक्षमा लियो क्लब अफ गोरखाका पूर्व अध्यक्ष लियो बालकृष्ण परियारलाई निर्वाचित गरेको जिल्ला प्रवक्ता लियो सुदिपराज फुयालले जानकारी दिए ।
३२ विभिन्न क्लबबाट उपस्थित १५० भन्दा धेरै लियो सहभागिको बीचमा भएको अधिवेशनले आगामी वर्षको नेतृत्व सफलताका साथ छान्न सफल भएको जिल्ला प्रवक्ता फुयालले बताए ।
निर्वाचित अध्यक्ष, उपाध्यक्षका साथै जिल्ला सचिवमा लियो क्लब अफ काठमाडौं मिलनका निवर्तमान अध्यक्ष लियो आशिष थापा र जिल्ला कोषाध्यक्षमा लियो क्लब अफ चौतारी पोखराका निवर्तमान अध्यक्ष लियो लिला बल्लभ अर्याल मनोनित भएका छन् । यस्तै, अन्य विभिन्न पदाधिकारी पनि मनोनित भएको र बाँकी रहेका अन्य पदाधिकारीहरु आगामी लायन वर्षको सुरुवात अगावै मनोनयन गरिसकिने समेत प्रवक्ता फुयालले जानकारी गराए ।
प्रतिक्रिया