पोखरा । बागलुङको निसीखोलमा बस दुर्घना हुँदा ७ जनाको ज्यान गएको छ । रुकुमपूर्वबाट काठमाडौंका लागि छुटेको बस सोमबार साँझ बागलुङको निसीखोला गाउँपालिका–६ स्थित जाउलेपानीमा दुर्घटना हुँदा ७ जनाको मृत्यु भएको हो । दुर्घटनामा परि २० जनाभन्दा बढी घाइते भएका छन् ।
बागमती प्रदेश ०१ ००६ ख ३८७९ नम्बरको बस सडकबाट करिब ३ सय मिटर तल खसेको इलाका प्रहरी कार्यालय बुर्तिबाङका प्रमुख प्रहरी निरीक्षक राजकुमार विकले बताए । गाडीमा ३२ जना यात्रु रहेको बताइएको छ ।
घाइतेहरुको बुर्तिबाङ प्राथमिक स्वास्थ्य केन्द्रमा उपचार भइरहेको र घटनाको थप विवरण आउन बाँकी रहेको प्रहरीले जनाएको छ ।
प्रतिक्रिया