नेपालगन्ज । बाँके प्रहरीले दुर्लभ पाटेबाघको छाला सहित १ जनालाई पक्राउ गरेको छ । नेपालगन्ज-२ पुष्पलाल चोक स्थित रहेको रोयल् महाबुबबाट पाटे बाघको छाला सहित सुर्खेत बराहाताल-२ पाक्माका २८ वर्षिय चन्द्र बहादुर कार्कीलाई प्रहरीले पक्राउ गरेको हो ।
होटलमा दुर्लभ पाटेबाघको छालाको कारोबार भईरहेको छ भन्ने गोप्य सूचनाको आधारमा होटल पुगेको प्रहरीले होटलको तेस्रो तलाको १०१ नं कोठा भाडामा लिई बसेका कार्कीले हरियो कालो रङको झोलामा लुकाई छिपाई राखेको अवस्थामा पाटे बाघको छाला फेला परेको प्रहरीले जानकारी दिएको छ ।
लम्बाई ५ फिट ९ ईन्च र चौडाई ३ फिट २ ईन्च भएको पाटे बाघको छाला सहित कार्कीलाई नियन्त्रणमा लिई आबश्यक अनुसन्धान एवं कारवाही अघि बढाईएको प्रहरीले जनाएको छ ।
प्रतिक्रिया