काठमाडौं । महालेखा परीक्षकमा तोयम राया सिफारिस भएका छन् ।
प्रधानमन्त्री निवास बालुवाटारमा आइतबार बिहान बसेको संवैधानिक परिषद्को बैठकले रायलाई महालेखा परीक्षकमा सिफारिस गरेको हो । पूर्व अर्थसचिव राया हाल तथ्यांक कार्यालयको प्रमुख हुन् ।
यसअघि टंकमणि शर्मा महालेखा परीक्षक थिए । उनी गत जेठ ८ गते सेवानिवृत्त भएपछि यो पद रिक्त रहेको थियो ।
रायाको अव संसदीय सुनुवाई हुनेछ । त्यसबाट अनुमोदन भएमा उनी राष्ट्रपतिबाट नियुक्त हुनेछन्।
संवैधानिक परिषद्को आजको बैठकमा परिषद्का अध्यक्ष प्रधानमन्त्री पुष्पकलम दाहाल प्रचण्ड, प्रधानन्यायाधीश विश्वम्भरप्रसाद श्रेष्ठ, सभामुख देवराज घिमिरे, राष्ट्रियसभा अध्यक्ष नारायण दाहाल, प्रतिनिधि सभाका विपक्षी दलका नेता शेरबहादुर देउवा र प्रतिनिधि सभाकी उपसभामुख इन्दिरा राना सहभागी भएका थिए।
प्रतिक्रिया