बुटवल उपमहानगर अन्तर्गतका बिद्यालयहरुमा २ दिन गर्मी बिदा

बुटवल । अत्याधिक गर्मी बढेको भन्दै बुटवल उपमहानगरले २ दिनका लागि बिद्यालयहरु बन्द गर्ने सूचना जारी गरेको छ । अत्याधिक गर्मी र तातो हावा ‘लु’ चलेका कारण विद्यार्थीहरुको स्वास्थ्यमा गम्भीर असर पर्न सक्ने भन्दै बैशाख २० र २१ गते दुई दिनका लागि उपमहानगर अन्तर्गतका बिद्यालयहरु बिदा दिने सूचना गरेको हो ।

उपमहानगरका प्रमुख प्रशासकीय अधिकृत मित्रमणी खनालले आज एक सूचना जारी गर्दै विद्यालयहरुले गर्न पाउने वार्षिक विदामा कट्टी हुने गरि बैशाख २० र २१ गते विदा दिन उपमहानगर अन्तर्गतका विद्यालयहरुलाई सूचना जारी गरेका छन् ।

सूचनामा राष्ट्रिय परीक्षा वोर्डबाट संचालित कक्षा १२ का परीक्षाहरु भने भने पूर्व निर्धारित तालिका अनुसार संचालन हुने जनाइएको छ ।