काठमाडौं । नेपाल र वेस्ट इन्डिज ‘ए’ बीचको अन्तिम टी-२० खेलमा नेपाललाई पहिलो झड्का लागेको छ । पहिलो विकेटका रुपमा नेपालले ओपनर कुशल भुर्तेललाई गुमाएको हो ।
उनले १३ रन बनाए । भर्तेलको दोहोरो अंकमा यो रन धेरै समयपछि आएको हो । लगातार खराब फर्ममा रहेका भुर्तेलले आज दोहोरो अंकमा रन बनाएका हुन् ।
टीयु क्रिकेट मैदानमा टस जितेर पहिला ब्याटिङ गरेको वेष्ट इन्डिज ‘ए’ ले निर्धारित २० ओभरमा ७ विकेट गुमाएर १७२ रनको थियो ।
वेष्ट इन्डिज ‘ए’ का लागि एलिक अथान्जले सर्वाधिक रन बनाए । अथान्जे ३५ रनमा अविजित रहे। रोस्टन चासेले ३३ र जोनसन चाल्र्सले २४ रन बनाएर आउट भए । फाबिएन एलेन ३३ रनमा अविजित रहे ।
बलिङमा नेपालका सागर ढकाल र सोमपाल कामीले ३-३ विकेट लिए । सोमपालले एकैओभरमा दुई विकेट लिएको थियो ।
अभिनाश बोहोराले एक विकेट लिए। वेष्ट इन्डिज ‘ए’ले सिरिजको उपाधि जितिसकेको छ ।
प्रतिक्रिया