नेपालगन्ज । नेपालगन्ज उपमहानगरपालिकाको शैक्षिक क्यालेन्डरमा जेठ २७ गतेदेखि असार १४ गतेसम्म गर्मी बिदा तोकिएको भए पनि नेपालगन्जमा गर्मी अत्यधिक बढेको भन्दै एकसाता अगाडि नै उपमहानगरले गर्मी बिदा दिने निर्णय गरेको छ । गर्मीका कारण पठनपाठनमा समस्या भएको भन्दै उपमहानगरले हप्ता दिन अगाडि नै गर्मी बिदा दिएको हो ।
उपमहानगरपालिकाका गोर्खबहादुर थापाले सार्वजनिक सूचना जारी गर्दै जेठ २० गतेबाट असार ८ गते सम्म बिद्यालयहरुमा बिदा दिन सूचित गरेका छन् । नगर प्रमुख स्तरिय निर्णयबाट गर्मी बिदाको सूचना जारी गरेका थापाले असार ९ गतेदेखि विद्यालय नियमित रुपमा संचालन हुने जानकारी दिएका छन्।
बुधबार यता नेपालगन्जको अधिकतम तापक्रम ४४ डिग्री बढी मापन गरिएको छ । गर्मीका कारण पठनपाठन सहित दैनिक जनजिवन नै कष्टकर बनेको छ ।
प्रतिक्रिया