पोखरा । सोमबारमात्र विश्वासको मत प्राप्त गरेका गण्डकी प्रदेशका मुख्यमन्त्री सुरेन्द्रराज पाण्डेले मन्त्रिपरिषद विस्तार गरेका छन्।
मुख्यमन्त्री पाण्डेले नेकपा (माओवादी केन्द्र) को चुनाव चिह्नबाट निर्वाचित भएका सांसद फणिन्द्र देवकोटालाई उर्जामन्त्री बनाएका छन् । यस्तै, स्वतन्त्र सांसद राजिब गुरूङ (दीपक मनाङे) लाई भौतिक पूर्वाधार मन्त्री बनाएका छन् ।
नवनियुक्त दुवै मन्त्रीलाई प्रदेश प्रमुख डिल्लीराज भट्टले पद तथा गोपनीयताको शप गराएकाछन् ।
गण्डकीमा यसअघि कांग्रेसबाट विन्दुकुमार थापा सामाजिक विकास र टकराज गुरूङ आर्थिक मामिला मन्त्री नियुक्त भैसकेका छन् ।
देवकोटाले माओवादी संसदीय दलको ह्वीप उल्लंघन गर्दै मत दिएपछि मुख्यमन्त्री पाण्डेले हिजो विश्वासको मत प्राप्त गरेका थिए ।
प्रतिक्रिया