बुटवल । लुम्बिनी प्रदेश प्रमुख अमिक शेरचनले मुस्लिम समुदायको दोस्रो ठूलो पर्व ईद-उल -अजहा ( बक्र ईद) को अवसरमा स्वदेश तथा विदेशमा रहेका सम्पूर्ण नेपालीहरूमा शुभकामना व्यक्त गरेका छन् ।
प्रदेश प्रमुख शेरचनले आज (सोमबार) शुभकामना सन्देश जारी गर्दै बक्र ईद पर्वले सम्पूर्ण नेपालीहरूबीच एकता, प्रेम र सहिष्णुता कायम गर्दै सामाजिक न्यायसहितको समुन्नत रास्ट्र निर्माणमा सहयोग पुग्ने बिश्वास व्यक्त गरेका छन् । उनले नेपाल रास्ट्र बहुजातीय , बहुभाषिक , बहुधार्मिक एवम् बहुसांस्कृतिक बिशेषताहरूले भरिपूर्ण रहेको समेत उल्लेख गरेका छन् ।
सरकारले बक्र ईदको अवसरमा आज सार्वजनिक बिदा दिएको छ । इस्लाम धर्मावलम्बीहरुले बक्र ईद पर्वलाई दोस्रो ठुलो पर्वका रूपमा एक आपसमा खुसियाली साटासाट गरि मनाउने गर्दछन् ।
इस्लाम पात्रो हिजारी सम्वत अनुसार नयाँ वर्षको जुल हिज्जा महिनाको दशौ दिनमा यो पर्व मनाइन्छ । ईदलाई मुस्लिम समुदायले आत्म शुद्धिका लागि मनाउने गर्दछन । खासमा जीवन र मरण आफ्नो वशमा छैन भनेर दर्शाउनु नै यस पर्वको उद्देश्य हो । यस पर्वमा अल्लाहलाई खुसी पार्न धर्मले जायज मानेका जनावरलाई कुर्वानी (बलि) दिने गरिन्छ ।
प्रतिक्रिया