पाल्पा । पाल्पा प्रहरीले भरुवा बन्दुक सहित १ जनालाई पक्राउ गरेको छ । जिल्लाको रैनादेबी छहरा १ बाट एक थान भरुवा बन्दुक सहित स्थानीय ईश्वरे कुमाललाई प्रहरीले पक्राउ गरेको हो ।
प्रहरीका अनुसार गत ३ गते कुमालले घर नजिकैको जङ्गलमा भरुवा बन्दकु पड्काउँदा त्यसको छर्रा लागेर सोही स्थानका टोपबहादुर कुमाल सामान्य घाइते भएको भन्ने सूचनाका आधारमा घटनास्थल पुगेको प्रहरीले इश्वरे कुमालको घरबाट एकथान बन्दुक, छर्रा तथा बारुद जस्तो देखिने धुलो पदार्थ फेला पारेको प्रहरीले जनाएको छ ।
घटनाको २ दिन पछि थाहा पाएको प्रहरीले आज अपरान्ह बन्दुक सहित कुमाललाई पक्राउ गरेको हो । अनुसन्धानका लागि प्रहरी चौकी सर्देवा र जिल्ला प्रहरी कार्यालय पाल्पाबाट प्रहरी अनुसन्धान अधिकृत सहितको प्रहरी टोली घटनास्थल पुगेको थियो ।
बन्दुकको छर्रा घाँटीमा लाग्दा टोपबहादुर कुमाल सामान्य घाइते भएको पाल्पा प्रहरी प्रवक्ता डीएसपी सुगन्ध श्रेष्ठले बताए ।
प्रतिक्रिया