नेपालगन्ज । बाँके र यस आसपासका क्षेत्रमा आफुलाई डीएसपी हुँ भन्दै असुली गर्ने एकजना नक्कली डीएसपीलाई बांके प्रहरीले पक्राउ गरेको छ ।
बिभिन्न सरकारी कार्यालय तथा सर्वसाधारणलाई कहिले सीआईबी, कहिले अनुसनधानको डीएसपी हुँ भन्दै ठगी गर्ने दैलेख जिल्ला नारायण नगरपालिका वडा नम्बर ५ का ३० वर्षीय नवीन शाही भन्ने नैनसिंह विकलाई प्रहरीले पक्राउ गरेको हो ।
सरकारी कार्यालयहरुमा गएर त्यहांका हाकिम, कर्मचारी र सर्वसाधारणलाई आफू सीआईबी र अनुसन्धानको डीएसपी भन्ने विकलाई पक्राउ गरिएको बाँके प्रहरी प्रवक्ता डीएसपी नाराण डाँगीले बताए । विकलाई प्रहरीले कोहलपुरबाट पक्राउ गरेर अनुसन्धान थालेको उनले बताए ।
बांके प्रहरीले उनीबाट ठगिएकालाई सम्पर्कमा आउन सार्वजनिक आह्वान गरेको छ ।
प्रतिक्रिया