विश्वव्यापी दिगो विकासमा चीनको योगदान यसको पेटेन्ट अधिकारहरूको दरिलो वृद्धिबाट प्रदर्शित भएको छ ।
देशको शीर्ष बौद्धिक सम्पत्ति नियामकद्वारा हालै प्रकाशित एक प्रतिवेदनमा भनिएको छ कि चीनले सन् २०२३ मा प्रकाशित हरित र न्यून–कार्बन पेटेन्ट आवेदनहरूको संख्यामा शीर्ष स्थान हासिल गरेको छ, जसमा वार्षिक २० प्रतिशतको वृद्धि भएको छ र यसले विश्वव्यापी कुलको आधाभन्दा बढी हिस्सा ओगटेको छ ।
यो वृद्धि विश्वव्यापी औसतभन्दा ७.१ प्रतिशत अंकले बढी रहेको चीनको राष्ट्रिय बौद्धिक सम्पत्ति प्रशासनले “हरित र न्यून–कार्बन पेटेन्टहरूको तथ्यांकीय विश्लेषण प्रतिवेदन“ मा उल्लेख गरेको छ ।
यसले हरित र न्यून–कार्बन पेटेन्टहरूलाई वातावरणीय विकासलाई प्रोत्साहन गर्ने प्रविधिहरूको रूपमा परिभाषित गरेको छ । यी पेटेन्टहरूले पाँच प्रमुख क्षेत्रहरू समेट्छन्, जसमा जीवास्म ऊर्जा कार्बन घटाउने, ऊर्जा बचत र पुनः प्रयोग, सफा ऊर्जा, ऊर्जा भण्डारण, र हरितगृह ग्याँसहरूको कब्जा, उपयोग र भण्डारण समावेश छन् ।
चीनले ऊर्जा भण्डारणको क्षेत्रमा उत्कृष्ट प्रदर्शन गरेको छ । २०२३ मा मात्रै ३७ हजार पेटेन्ट आवेदनहरू दर्ता गर्दै, जसले विश्वव्यापी रूपमा ४८ प्रतिशत हिस्सा ओगटेको छ। स्वच्छ ऊर्जाको सन्दर्भमा सौर्य ऊर्जा र हाइड्रोजन ऊर्जाका लागि चीनको आविष्कार पेटेन्ट आवेदनहरूको संख्या विश्वव्यापी रूपमा उच्चतम रहेको छ जसमा क्रमशः ८ हजार र ५ हजार आवेदनहरू रहेका छन् ।
चीनले अन्तर्राष्ट्रिय प्याटेन्ट संरक्षण प्रणाली पेटेन्ट सहयोग सन्धि (PTC) मार्फत हरित र न्यून–कार्बन प्रविधिहरूको लागि सन् २०२३ मा ५ हजार भन्दा बढी आवेदनहरू दर्ता गरेको थियो । लगातार तेस्रो वर्षको लागि विश्वव्यापी नम्बर एक स्थान सुरक्षित गरेको प्रतिवेदनले खुलासा गरेको छ ।
विशेषगरी, चीन सन् २०१९ देखि विश्वको अग्रणी पेटेन्ट आवेदन दर्ता गर्ने मुलुक बनेको हो जसलाई विश्व बौद्धिक सम्पत्ति संगठन (WIPO) ले मान्यता दिएको छ । चाइना डेल्लीबाट
प्रतिक्रिया