बुटवल । रूपन्देहीको सिद्धार्थनगर नगरपालिका वडा नम्बर-८ का वडा अध्यक्ष राजनजंग राणाले ‘नक्कली छोरी’ बनेर मल्लाह परिवारको जग्गा हत्याउने प्रयासका आफ्नो कुनै संलग्नता नभएको स्पष्ट पारेका छन ।
दिवंगत निःसन्तान सुखु मल्लाह दम्पतीको सम्पत्ति कब्जा गर्न ‘नक्कली छोरी’ बनेर दुई महिला लागिपरेको रूपन्देहीको सिद्धार्थनगर-६, गल्लामण्डीस्थित एक परिवारले जनप्रतिनिधि, प्रशासक र कर्मचारीको मिलेमतो रहेको पीडित परिवारको दावी छ ।
सुखुका दाईका छोराहरु लालजित र सन्त मल्लाहको नाममा गइसकेको अवस्थामा सुखु मल्लाहको सम्पती हत्याउन ‘नक्कली छोरी’हरु रिखीदेवी अग्रवाल र मालती मल्लाहले ले हत्याउने प्रयास गरेका छन् ।
महिलाको नागरिकताबारे सिद्धार्थनगर–६ बाट सर्जमिन गरिनुपर्नेमा सिद्धार्थनगर-८ बाट गरिएको थियो । फरक स्थानबाट गरिएको सर्जमिनबारे परीक्षण र छानबिनबिनै जिल्ला अदालतले २०८० भदौ २६ मा ‘नक्क्ली छोरी’ बनेका रिखीदेवी र मालतीको पक्षमा फैसला गरेको मल्लाह दाजुभाइको आरोप छ ।
यसमा आफू कतै संलग्न नभएको वडा अध्यक्ष राणाले आइतबार भैरहवामा पत्रकार सम्मेलन गरी जानकारी गराएका हुन् । ‘प्रहरीबाट सर्जमिन गरेर आएको कागजात मैले हस्ताक्षर गरेको हुँ’ राणाले भने, ‘त्यो कागजात कसरी बने भन्ने कुरा मलाई थाहा भएन । सर्जमिन हाम्रो वडाबाट गराउन भूमिकामा मलाई जोडिएको भएतापनि उक्त कार्यमा म कुनै किसिमबाट सहभागी छैन ।’ ‘सर्जमिनमा मेरो सहीछाप गरेको कुरालाई म स्वीकार गर्दछु’ राणा भन्छन, ‘मेरो मिलेमतोको आरोपको खण्डन गर्न चाहन्छु । साथै राज्यले गर्ने सबै प्रकारका छानविन प्रक्रियामा निष्पक्ष ढंगले सघाउनु प्रतिबद्धता व्यक्त गर्दछु ।’
कायालय अबधिभर कार्यकक्षमा बसेर गर्नुपर्ने नियमित काम र नागरिकको सेवालाईं प्राथमकिता दिएको छु । साथै सामाजिक गातिविधिमा संलगन भएर स्थानीय वासिन्दाका दुखसुःखमा हातेमालो गदै आएको छ कुनै प्रलोभन नराखेर काम गदै आएको राणाले प्रष्ट पारे । उनी नेपाली कांग्रेसबाट २०७४ र २०७९ मा गरी दुई पटक लगातार निर्वाचित वडा अध्यक्ष हुन् । रिखीदेवी अग्रवालको घर सिद्धार्थनगर-८ मा भएर उनीसँग चिनजान भए पनि मालती मल्लाहलाई आफूले नचिनेको वडा अध्यक्ष राणाको भनाइ छ ।
न्याय माग्दै मल्लाह दाजुभाइ
नक्कली छोरी बनेर भैरहवामा करोडौंको घरजग्गा हडप्ने प्रयास शिर्षकमा खबरकुरा डटकमले ७ भदौमा समाचार छापेको थियो ।
प्रतिक्रिया