काठमाडौँ । सत्ता गठबन्धनका मुख्य ठुलादल कांग्रेस र एमालेले उपसभामुख इन्दिरा राना मगरलाई हटाउने बारे सहमति गरिरहँदा नेकपा एमालेका प्रभावशाली नेता एवं सांसद गोकुल वास्कोटाले उपसभामुख हटाउने काम सरकारको नभएर संसदको भएको बताएका छन् ।
एमालेका सांसद बास्कोटाले प्रतिनिधि सभाको बैठकमा बोल्दै उपसभामुखलाई हटाउने नहटाउने विषय सरकारको भन्दा संसदको विषय भएको बताएका हुन् ।
उनले उपसभामुख विवादमा परेकोले राजीनामा दिए उपयुक्त हुने सुझाव दिए । सत्तारुढ दलहरु बीच उपसभामुखलाई हटाउने विषयमा छलफल भइरहेको बेला एमाले सांसद बास्कोटाले मगरलाई राजीनामा दिनुनै उपयुक्त हुने बताएका हुन् ।
उनले लोकतन्त्रमा सबैसँग प्रश्न उठाउन पाइने भन्दै अरुलाई गलत प्रमाणित गर्ने अवसर पनि लोकतन्त्रमा हुने बताएका हुन् । उनले आफूमाथि पनि प्रश्न उठेपछि पदबाट राजीनामा दिएको स्मरण गर्दै आफ्नो बारेमा प्रश्न उठेपछि राजीनामा दिएर मार्ग प्रशस्त गर्ने सहास राजनीति गर्नेहरुमा हुनुपर्ने उल्लेख गरेका थिए । उनले गम्भीर प्रश्नहरु उठेपछि पद छोड्नु नै उपयुक्त हुने बताए ।
प्रतिक्रिया