काठमाडौं । यसवर्षको दसैँमा प्रधानमन्त्री केपी शर्मा ओलीले सर्वसाधारणलाई टीका नलगाउने जनाएका छन् । प्राकृतिक विपद्ले दिएको पीडाका कारण उनले सर्वसाधारणलाई टीका नलगाइदिने भएको सामाजिक सञ्जाल मार्फत जनाएका हुन् ।
प्रधानमन्त्रीका अेलीको फेसबूक एकाउण्ट मार्फत बडादसैंको शुभकामना सन्देश जारी गर्दै ओलीले टीका कार्यक्रम नराखिएको बताएका छन् ।
भिडियो सन्देशमा उनले भनेका छन्, ‘प्राकृतिक विपद्ले दिएको पीडाबाट मुक्त हुन केन्द्रित हुनुपर्ने भएकाले यसअघि जस्तो यसपालि विजया दशमीको टीका उल्लासपूर्ण हुने छैन । परिवारका सदस्यहरूसँग बाहेक यसपटक टीका लगाउने कार्यक्रम राखिएको छैन ।’ प्रधानमन्त्री ओलीले प्राकृतिक विपत्तिका कारण यसपटकको दशैं उल्लासमय हुन नसकेको बताउका हुन् ।
भारी मनका साथ दशैं मनाउँदैछौं, म पनि रमाउन सकिरहेको छैन । सरकारको नेतृत्व गरिरहेकाले उहाँ (पीडित)हरूको आँसु पुछ्ने, राहत दिने, पुनर्निर्माणका कामहरू गर्ने र चाडबाडको आवागमनलाई सहज एवं सुगम बनाउने उत्तरदायित्वमा लागिरहेकाको छु,’ प्रधानमन्त्री ओलीले भनेका छन् । प्रधानमन्त्रीले बाढीपहिरोबाट विस्थापितहरूलाई पहिलेकै अवस्थामा अथवा अझ सुन्दर संरचना निर्माण गरेर पुनस्स्थापित गर्ने प्रतिबद्धता समेत ब्यक्त गरेका छन् ।
प्रतिक्रिया