भैरहवा । रास्वपा सभापति तथा पूर्वगृहमन्त्री रवि लामिछानेलाई आज तेस्रो दिनको बयानका लागि भैरहवास्थित जिल्ला सरकारी वकिल कार्यालय लगिएको छ । आजपनि प्रहरीको बाक्लो घेराका बीच बिहान रविलाई सरकारी वकिल कर्यालय लगिएको हो ।
मंगलबारबाट सुरु भएको रविको बयान आज तेस्रो दिन पनि जारी रहने जिल्ला सरकारी वकिलको कार्यलयले जनाएको छ । मंगलबार र बुधबार बयान नसकिएपछि लामिछानेसँगको बयानलाई जारी राखिएको हो ।
बुटवलमा रहेको सुप्रिम सहकारी संस्थामा बचतकर्ताको रकम ठगी प्रकरण लागि कास्कीबाट लामिछानेलाई मंगलबार रुपन्देही ल्याइएको थियो । रविलाई प्रहरीले आज बिहान १० बजेर २६ मिनेट जाँदा सरकारी वकिलको कार्यलय पुर्याएको छ ।
भैरहवामा जारी बयानमा लामिछानेले आफुमाथि लागेको आरोप अस्वीकार गर्दै ‘थाहा छैन’, ‘जानकारी भएन’, ‘थाहा भएन’ जस्तो जवाफ दिएको स्रोतको दाबी छ ।
बुटवलको सुप्रिम सहकारीबाट लामिछानेको नाममा एक करोड ९६ लाख रुपैयाँ गोर्खा मिडिया नेटवर्क प्रालिमा गएको संसदीय विशेष छानबिन समितिको प्रतिवेदनमा उल्लेख छ ।
प्रतिक्रिया