काठमाडौं । सहकारीको रकम अपचलन सहितको ठगी मुद्दामा प्रहरी हिरासतमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई थप बयानका लागि पोखराबाट काठमाडौंका ल्याइएको छ । उनलाई आज अपरान्हको बुद्ध एयरको विमानमार्फत काठमाडौं ल्याइएको हो ।
पोखराको सूर्यदर्शन सहकारीको रकम काठमाडौंस्थित गोर्खा मिडिया प्रालिमा प्रयोग गरेर अपचलन गरेको आरोपमा गत कात्तिक २ गते पक्राउ परेका लामिछानेलाई काठमाडौंको स्वर्णलक्ष्मी सहकारीको थप अनुसन्धानका लागि काठमाडौं ल्याइएको हो ।
उनलाई यसअघि बुटवलको सुप्रिम सहकारीको रकम अपचलन आरोपमा दर्ता भएको मुद्दाको अनुसनधानका क्रममा रुपन्देही लगेर बयान लिइएको थियो । पछिल्लो पटक उनलाई १५ दिनको म्याद थपेर जिल्ला प्रहरी कार्यालय कास्कीको हिरासतमा राखिएको थियो ।
प्रतिक्रिया