बुटवल । बुटवल उपमहानगरपालिका वडा नम्बर ८ तिलोत्तमा पथमा रहेको ग्याष्ट्रो सेन्टर प्रालिले एक वर्षमा २ हजार ५ सय ८७ जनाको सफल उपचार गरेको छ ।
प्रथम वार्षिक उत्सवको अवसरमा बुटवलमा आयोजित पत्रकार सम्मेलन कार्यक्रममा प्रालिका अध्यक्ष डा। मोहन भुषालले स्थापनाको पहिलो वर्ष संस्थाको उदेश्य अनुसार सफल भएको जानकारी दिए ।
एक वर्षमा उपचार भएका बिरामीहरु मध्ये ३ सय ५ जनालाई निःशुल्क रुपमा सेवा प्रवाह गरेको अध्यक्ष डा। भुषालको भनाई रहेको छ । एक वर्षमा ७५ जना बिरामीमा क्यान्सर समेत देखिएको कारण उपचार समेत गरिएको प्रालिले जनाएको छ ।
यसको साथै प्रालिले सामाजिक उत्तरदायित्व अभियान अन्र्तगत रुपन्देहीको देवदह, अर्घाखाँचीको सितगंगा र गुल्मीको भार्सेमा निःशुल्क स्वाथ्य शिविर समेत सञ्चालन गरेको थियो । प्रालिका अनुसार शिविरबाट १ हजार २ सय ४८ जनाले सेवा लिएका थिए । शिविरमा आएका ९२ जना बिरामीको निःशुल्क रुपमा ईन्डोष्टकपी समेत गरिएको सञ्चालक प्रालिले जानकारी दियो ।
यस्तै प्रालिको प्रथम स्थापना दिवसको अवसरमा लिभरको जाँचमा ४० प्रतिशत छुट र ओपीडी टिकट, ल्याब लगायतका १० प्रतिशत छुटको समेत व्यवस्था गरिएको प्रालिका सञ्चालक युवाराज दिशामगरले जानकारी दिए ।
प्रतिक्रिया