भालुवाङ । दाङको देउखुरीमा स्कुल बसको ठक्करबाट मोटरसाइकल चालकको मृत्यु भएको छ । मृत्यु हुनेमा राप्ती गाउँपालिका वडा नम्बर ८ बिजौरी निवासी अन्दाजी वर्ष ३२ को कृष्णबहादुर शाही रहेको प्रहरीले जनाएको छ ।
इलाका प्रहरी कार्यालय भालुवाङलका अनुसार मोटरसाइकल चालक शाहीको घटना स्थलमा मृत्यु भएको हो । मंगलबार राति साढे ७ बजेको समय राप्ती गाउँपालिका-८ बिजौरीमा पश्चिम देखि पुर्व तर्फ आइरहेको रा १ प १४१८ नम्बरको गोरखा आइडियल स्कुल लालमटियाको बसले पुर्वबाट पश्चिम तर्फ जाँदै गरेको रा ५ प २६०१ नम्बरको मोटरसाइकललाई ठक्कर दिदा शाहीको घटना स्थलमा मृत्यु भएको हो ।
आक्रोशित स्थानीयबासीले पुर्व( पश्चिम राजमार्गको बिजौरीमा सडक अवरुद्ध पारेका छन् । स्थानीयले एउटा ट्याङकरमा सामान्य तोडफोड समेत गरेका छन् । सोही सडक खण्डमा हिजो बेलुका मात्र मालबाहक ट्रकले मोटरसाइकल चालकलाई ठक्कर दिदा एक युवकको मृत्यु भएको थियोे ।
प्रतिक्रिया