बुटवलको मजुवामा जलेर मृत्यु भएको अवस्थामा नवजात शिशुको शव फेला

बुटवल । बुटवल उपमहानगरपालिका–११ मा जलेर मृत्यु भएको अवस्थामा नवजात शिशु फेला परेको छ । मजुवाको फोहोर फाल्ने डम्पिङ्ग साइटमा जलेर मृत्यु भएको अवस्थामा फेला परेको इलाका प्रहरी कार्यालय बुटवलका प्रमुख डिएसपी विजयराज पण्डितले जानकारी दिए ।

मृत अवस्थामा फेला परेकी मृत नवजात शिशु महिना पुगेर जन्माएर फालेको प्रहरीले अनुमान गरेको छ । ‘शिशु पुरा महिना पुगेर नै जन्मिएको जस्तो देखिन्छ । डीएसपी पण्डितले भने, राम्रै अवस्थामा जन्मिएकी शिशुलाई ५र७ दिन अघि फोहोरमा फालेको हुन सक्ने प्रारम्भिक अनुमान छ ।’

उनका अनुसार फोहोरको डम्पिङ्ग साइटमा शिशु जलेको अवस्थामा रहेको स्थानीयले खबर गरेपछि प्रहरी पुगेर शव बरामद गरेको थियो । मृत शिशुलाई अहिले लुम्बिनी प्रादेशिक अस्पतालमा लगिएको र घटना बारेमा थप अनुसन्धान भइरहेको डीएसपी पण्डितले बताए ।