बुटवल । रुपन्देही परिवहन प्रा.लि, बुटवलको नवनिर्वाचित सञ्चालक समितिले एक समारोहकावीच पदभार ग्रहण तथा सपथ लिएको छ ।
बुटवलको नमुना ढुवानीग्राम निमार्ण तथा सञ्चालनका लागि स्थापित परिवहनको सम्पन्न दोस्रो अधिवेशनबाट सर्वसम्मत निर्वाचित सञ्चालक समितिलाई निर्वाचन समितिका संयोजक लोकराज पोखरेले पदभार ग्रहण गराउदै प्रमाणपत्र वितरण गरेका थिए ।
अधिवेशनले परिवहनको ७ सदस्यि सञ्चालन समितिमा कमल घिमिरे, माधव नेपाल, कलमराज ढुङ्गाना, बाबुराम महत, विकास आचार्य, झविन्द्र थापा र श्यामराज हमाललाई निर्वाचित गरेको छ ।
प्रमाणपत्र वितरण कार्यक्रममा बोल्दै निर्वाचन समितिका संयोजक लोकराज पोखरेलले ढुवानी क्षेत्रको व्यवस्थापनका लागि थालिएको ट्रान्सर्पाट नगरको कामलाई व्यवस्थित बनाउदै ढुवानी व्यवसायका समस्या समाधानका लागि गम्भिर भएर काम गर्न नया समितिलाई सुझाव दिए ।
कार्यक्रममा नव निर्वाचित सञ्चालक समितिको तर्फबाट सञ्चालक समितिका अध्यक्ष कमल घिमिरेले ढुवानी ग्रामको निमार्णको काम अझै पुरा नभएको बताउदै त्यसलाई पुरा गर्ने दायित्व नयाँ समितिमा आएको हुदा सबैबाट सहयोगको अपेक्षा व्यक्त गरे ।
ढुवानी व्यवसायी समिति, रुपन्देहीका अध्यक्ष जित बहादुर भाटले ढुवानी व्यवसायमा पछिल्ला दिनमा देखिएको समस्याले व्यवसाय पलायनको अवस्था आएको बताउदै व्यवसायीक एकतामा जोड दिए ।
परिवहनका निर्वतमान प्रवन्धक विष्णु गैरेले परिवहनका अगाडी धेरै चुनौतिहरुको रहेको उल्लेख गर्दै नयाँ नेतृत्वले पुराना अधुरा काम पुरा गर्न ध्यान दिने विश्वास व्यक्त गरे ।
कार्यक्रम निर्वाचन समितिका संयोजक लोकराज पोखरेलको अध्यक्षतामा भएको थियो ।
प्रतिक्रिया