काठमाडौं । नेकपा माओवादी केन्द्रले पूर्वाधार र सुशासनका विषयमा विज्ञहरुसँग छलफल अन्तर्क्रिया गरेको छ ।
माओवादीको अर्थ तथा योजना विभागले पूर्वाधार र सुशासनका विषयमा सांसदहरु र विज्ञहरुबीच अन्तर्क्रियाआयोजना गरेको हो ।
कार्यक्रममा राष्ट्रिय गौरबका आयोजनाको अवस्था, विकास आयोजनामा हुने भ्रष्टाचार नियन्त्रणमा खेल्नुपर्ने भूमिकाबारे विज्ञहरुले आआफ्नो धारणा राख्नेछन् ।
संसद् र संसद बाहिर पार्टीको संस्थागत धारणा बनाउने उद्देश्यले कार्यक्रम आयोजना गरिएको विभाग प्रमुख एवं पूर्वअर्थमन्त्री वर्षमान पुनले बताएका छन्।
काठमाडौंमा जारी छलफलमा राष्ट्रिय योजना आयोगका पूर्वउपाध्यक्षहरु, योजाविद्हरु, पत्रकार लगायत सहभागी छन् ।
सो छलफलमा राष्ट्रिय योजना आयोगका पूर्वउपाध्यक्ष मीनबहादुर श्रेष्ठले पूर्वाधार शासन र राष्ट्रिय गौरवका आयोजनाहरुः समस्या र सम्भावित समाधानहरुको पहिचान विषयमा प्रस्तुतीकरण दिनेछन् ।
यस्तै पत्रकारद्वय हरिबहादुर थापा र मकर श्रेष्ठले खोज पत्रकारिताको निष्कर्ष र छलफल शीर्षकमा प्रस्तुति दिनेछन् ।
माओवादी केन्द्रका वरिष्ठ उपाध्यक्ष नारायणकाजी श्रेष्ठले पूर्वाधार शासन र राजनीतिक दल स् चुनौतीहरु र आगामी बाटो विषयमा विशेष सम्बोधन बताइएको छ ।
प्रतिक्रिया