पाल्पा । तानसेन तम्घास सडक खण्डको जोगीपानीमा आज भएको सवारी दुर्घटनाबाट एक दम्पत्ति घाइते भएका छन् । पाल्पा तानसेन ११ जोगीपानीमा भएको सवारी दुर्घटनाबाट गुलमी हुँगाका एक दम्पत्ति घाइते भएका हुन् ।
घाइते हुनेमा गुल्मी छत्रकोट १ हुँगा का ३८ वर्षिय प्रकाश पाण्डे र मोटरसाईकल पछाडि सवार मोटरसाईकल चालककी श्रीमती ३१ वर्षिया कमला पाण्डे रहेको प्रहरीले जनाएको छ । गुल्मी पाल्पा सडक खण्डमा हार्थोकदेखि तानसेन तर्फ आउँदै गरेको लु. प्रदेश ०१००१ व ००७१ नम्बरको ईभी गाडि र विपरित दिशाबाट जाँदै गरेको लु १७ प ८८६४ नम्बरको मोटरसाईकल एकआपसमा ठक्कर खाई दुर्घटना हुँदा मोटरसाईकलमा सवार दम्पत्ति भएको पाल्पा प्रहरी प्रवक्ता डीएसपी सुनिल मल्लले बताए ।
घाइते दम्पत्तिको उपचारको लागि मिसन अस्पताल पाल्पा पठाएकोमा थप उपचारको लागि श्री एयरको हेलिकप्टरद्वारा ट्रमा सेन्टर अस्पताल काठमाडौं रिफर गरिएको उनले बताए ।
उक्त सवारी दुर्घटना सम्बन्धमा थप अनुसन्धान कार्य जारी रहेको प्रहरीले जनाएको छ ।
प्रतिक्रिया