नेपालगन्ज । होटल व्यवसायमा आफ्नो शसक्त पहिचान बनाएको नेपालगन्जको होटल सिटी प्यालेसले आफ्नो स्तर उन्नती सहित सेवा सुबिधामा बिस्तार गरेको छ । विसं २०७२ साल असारदेखि नेपालगन्जको धम्बोझीमा सेवा प्रवाह गर्दै आएको होटल सिटी प्यालेसले स्तरउन्नती सहित आफ्नो सेवा र सुविधालाई बिस्तार गरेको हो ।
स्तर उन्नतीको जानकारी दिने उद्देश्यले होटल ब्यवस्थापनले पत्रकार सम्मेलन गर्दै विभिन्न स्वाद पारखीका लागि मध्य नजर गरी होटलले थकाली भन्सा , रुफटप , बार सहितको रेस्टुरेन्ट र क्याफेमार्फत सेवा थप गरेको जानकारी दिएको छ । पत्रकार सम्मेलनमा बोल्दै होटलका जनरल म्यानेजर पदम सुवेदीले आतिथ्यताका लागि होटलले थप सहित ९५ वटा कोठा सञ्चालन गर्दै आएको र ती मध्ये ८ वटा स्वीट रुम , २८ सुपर डिलक्स रुम , ३९ डिलक्स रुम र २० स्ट्यान्डर्ड रुमबाट सेवा प्रवाह गर्दै आएको जानकारी दिए ।
उनका अनुसार होटलमा जिम , स्वीमिङ्ग पुल , स्टीम , साउना , स्पा , सेभिनर सप , क्यासिनो (नेपाली बाहेकका पाहुनाका लागि), ओपेनस्पेस गार्डेन र अण्डरग्राउण्ड पार्किङ्गको सेवा दिदै आएको छ ।
होटलमा रहेका ४ वटा सभा हलबाट विवाह , व्रतबन्ध , जन्मदिन मनाउन तथा विभिन्न गोष्ठी , सेमिनारको आयोजना गर्न सकिने गरी ६ सय बढी क्षमताको १ वटा सभाहल, २ सय बढी क्षमताको १ वटा सभाहल, १ सय बढी क्षमताको सभाहल १ र ५० बढी क्षमताको सभा हल १ गरी ४ वटा हल उपलब्ध छन् ।
१ अर्वको लगानी रहेको होटलले हाल १ सय २५ जनालाई प्रत्यक्ष रोजगारी दिएको होटलका संचालक लोकेन्द्र अर्यालले बताए । उनका अनुसार होटलले सञ्चालनदेखि आजका दिनसम्म ५ लाख भन्दा बढी पाहुनालाई सेवा दिई सकेको र त्यस मध्य २ लाख बढी सार्क मुलुकका रहेका छन् । मानसरोबर, मुक्तिनाथ र लुम्बिनीलाई लक्षित गर्दै नेपालगन्जमा खुलेका होटल ब्यवसायको राम्रो संभावना रहेको अर्यालले बताए । हाल ४ तारे स्तरमा संचालनमा रहेको होटल सिटी प्यालेसलाई छिट्टै पाँच तारेमा स्तर उन्नती गर्ने गरि तयारी गरिउको उनले जानकारी दिए ।
प्रतिक्रिया