काठमाडौं। काठमाडौं महानगरपालिकाले काटेको जरिवाना पत्र लिन निर्मल निवासले अस्वीकार गरेपछि हुलाकबाट पत्र पठाएको छ ।
गत शुक्रबार भएको प्रदर्शनमा फोहोर गरेको भन्दै पुर्व राजा ज्ञानेन्द्र शाहलाई महानगरपालिकाले ७ लाख ५० हजार बराबरको जरिवाना तय गरेको थियो।
कार्यालय बिदाका दिन अर्थात शनिवार जरिवाना तय गरे पछि महानगरको प्रहरी टोली निर्मल निवास पुगेको थियो । तर, निर्मल निवासले सो पत्र लिन अस्वीकार गरे पछि यसै फर्किएको थियो । त्यसपछि महानगरले हुलाकबाट पत्र पठाएको हो ।
गत शुक्रबारको घटनामा विभिन्न ९ वटा शीर्षकमा ८ वटा पत्र लेख्दै महानगरले पूर्वराजा शाहलाई ७ लाख ९३ हजार जरिवाना गराएको छ ।
प्रतिक्रिया