काठमाडौं । त्रिभुवन विश्वविद्यालय केन्द्रीय क्याम्पस कीर्तिपुरमा आज स्वतन्त्र विद्यार्थी युनियनको निर्वाचन भैरहेको छ ।
बिहान ८ बजेदेखि सुरु हुने भनिएको मतदान केही ढिलो भएको छ । नेकपा (माओवादी केन्द्र)का सचिव एवं बौद्ध अध्ययन केन्द्रका तेस्रो सेमेस्टरका विद्यार्थी ७९ वर्षीय दीनानाथ शर्माले पहिलो मतदान गरेका छन् ।
निर्वाचनमा नेविसंघबाट दीपक जोशी, अखिलबाट सिद्धान्त भट्ट, अखिल क्रान्तिकारीबाट प्रवीन दाहाल र स्वतन्त्रमा पद्मा भुसाल र उज्ज्वल खड्काले उम्मेदवारी दिएका छन् ।
चैत ५ गते हुनुपर्ने निर्वाचन चैत ८ गतेका लागि सारिएको थियो । तर उच्चअदालत पाटको अल्पकानीन अन्तरिम आदेशका कारण सो दिनको निर्वाचन स्थगित गरिएको थियो । तर गत शुक्रबार अदालतले अन्तरिम आदेशलाई निरन्तरता दिन नपर्ने अर्को आदेश जारी गरेपछि आजका लागि मतदान तोकिएको हो ।
केन्द्रीय क्याम्पसमा ६ हजार मतदाता रहेका छन् ।
प्रतिक्रिया