काठमाडौं । नेपाल शिक्षक महासंघले आन्दोलनलाई थप सशक्त बनाउने भएको छ ।
महासंघले आन्दोलनलाई निर्णायक बनाउन निजी विद्यालयहरु पनि बन्द गर्न आह्वान गरेको छ ।
महासंघले विज्ञप्ति निकालेर भनेको छ, ‘शैक्षिक आम हड्तालको यो अभियानलाई सफल तुल्याउन संस्थागत विद्यालयहरु समेत बन्द गरी साथ दिन सम्बन्धित सबै मित्रहरुमा अनुरोध छ।’
महासंघले आन्दोलनको अवधिभर विद्यालय खोल्ने, प्रवेश परीक्षा र ग्रेड वृद्धि परीक्षा सञ्चालन गर्ने, उत्तरपुस्तिका परीक्षण गर्ने, गोष्ठी, सेमिनार, शैक्षिक भ्रमण लगायतका कुनै पनि क्रियाकलापमा संलग्न नहुन पनि शिक्षकहरूलाई आग्रह गरेको छ ।
प्रतिक्रिया