बुटवल । भारतको जम्मू-कश्मीरमा मंगलबार भएको आतंकवादीको आक्रमणबाट मृत्यु हुने नेपाली युवा बुटवलका रहेकोे पुष्टि भएको छ ।
जम्मू-कश्मीरस्थित पहलगाममा पर्यटकको समूहमाथि मंगलबार आतंकवादीको आक्रमणमा परि बुटवल उपमहानगरपालिका वडा नम्बर १४ का अन्दाजी २७ वर्षीय सुदिप न्यौपाने रहेको सोही वडाका वडा अध्यक्ष दधिराम न्यौपानेले जानकारी दिए ।
वडा अध्यक्ष न्यौपाने र मृतक सुदिप नातामा काका भतिज हुन् । वडा अध्यक्ष न्यौपानेका अनुसार बन्दुकधारीहरुको उक्त समुहले बाटोमा हिड्दै गरेका सुदिपलाई कुन धार्मिक समुहको हो भन्दै सोधेपछी एकाएक गोली हानेको थियो । आमासँग बुटवल ११ कालिकानगरमा बस्दै आएका सुदिपले धरानमा पब्लिक हेल्थ अध्ययन गर्दै आएका थिए ।
गत शनिबार आमा रिमा पाण्डे, दिदि सुश्मा र भिनाजु उज्ज्वल काफ्ले सहित घुम्न भन्दै कस्मिर गएका सुदिपमाथी आतंकवादीहरुले अचानक आक्रमण गरेको वडा अध्यक्ष न्यौपानेले जानकारी दिए ।
मृतक सुदिपको शवलाई बुधबार नेपाल ल्याउने तयारी गरिएको उनले बताए । शवलाई कस्मीरबाट दिल्ली र दिल्लीबाट काठमाडौं ल्याउने तयारी गरिएको छ, अहिले म काठमाडौ जाँदै छु,’ वडा अध्यक्ष न्यौपानेले भने ।
प्रतिक्रिया