बुटवल । छिमेकी मुलुक भारतको जम्मु-कश्मीरमा सर्वसाधारणमाथि मङ्गलबार भएको आतंकवादीको आक्रमणमा परि मृत्यु भएका बुटवलका सुदिप न्यौपानेको शव बुटवल ल्याइएको छ ।
गत शनिबार आमा रिमा पाण्डे, दिदि सुश्मा र भिनाजु उज्ज्वल काफ्लेसहित कश्मीर घुम्न गएका बुटवलका युवा सुदिप न्यौपानेको उक्त हमलामा ज्यान गएको थियो । आतंकवादीहरूले पर्यटकलाई लक्षित गर्दै गरिएको हमलामा उनी पनि मारिएका हुन् ।
सुदिपको पार्थिव शरीर आज बिहान सुनौली नाका हुँदै नेपाल ल्याइएको हो । परिवार स्रोतका अनुसार पार्थिव शरीर आजै बुटवलको कालिकानगरस्थित निवासमा ल्याइएको छ । उनको आजै अन्त्येष्टि गरिने कार्यक्रम रहेको पारिवारिक स्रोतले जनाएको छ ।
प्रतिक्रिया