बुटवल । बुटवल उपमहानगरपालिकाका प्रमुख खेलराज पाण्डेयले बुटवल र यस आसपासका अटो रिक्सा ब्यवसायीले दर्ता गरिदिने झुठो आश्वासन दिएर महङ्गो मूल्यमा रिक्सा बिक्रीवितरण गर्ने गरेको बताएका छन् । सामाजिक सञ्जाल मार्फत नगर प्रमुख पाण्डेयले बुटवलमा नयाँ रिक्सा दर्ता गर्ने नीति नरहेको स्पष्ट पारेका छन् ।
उनले रिक्सा दर्ता हुन्छ भन्दै चर्को मूल्यमा रिक्सा बेच्ने ब्यक्ति र बिक्रेतामाथि छानबिन गर्ने समेत बताएका छन् । बुटवल उपमहानगरले अघिल्लो आर्थिक वर्ष देखि नै नयाँ रिक्सा दर्ता बन्द गरेको छ । नगरको ट्राफिक अस्तब्यस्त बनेको र नगर भित्रका रिक्सा चालकहरुबीच अस्वस्त प्रतिस्पर्धा भएको गुनासो आउन थालेपछि उपमहानगरले रिक्सा दर्ता बन्द गरेको थियो ।
नगर प्रमुख पाण्डेयले हाल रिक्सा दर्ता गर्ने नीति नभएको उल्लेख गर्दै भ्रममा नपर्न रिक्सा चालक र सरोकारवालाई नझुक्किन आग्रह समेत गरेका छन् । उनले दर्तावाल रिक्साको अनुगमन गर्न आफु रिक्सा मै हिँट्न थालेको समेत जनाएका छन् ।
प्रतिक्रिया