बुटवल । बुटवलको राजमार्ग चौराहाबाट लागु औषध सहित २ जनालाई प्रहरीले पक्राउ गरेको छ । भारतको सुनौली नाकाबाट नेपाल भित्राएर पोखरा लैजाने क्रममा प्रहरीले बुटवलबाट उनीहरुलाई पक्राउ गरेको हो ।
पक्राउ पर्नेमा कास्की पोखरा महानगरपालिका वडा नं ३१ का ३२ वर्षिय सागर नेपाली र स्याङजा पुतलीबजार नगरपालिका वडा नं ९ का २३ वर्षिय सुजित नेपाली रहेका छन् ।
राजमार्ग चौराहा स्थितमा लागुऔषध कारोबार भई रहेको भन्ने गोप्य सुचनाको आधारमा लागु औषध नियन्त्रण ब्युरो शाखा कार्यालय भैरहवा, इलाका प्रहरी कार्यालय बुटवल र वडा प्रहरीकार्यालय बुटवल रुपन्देहीबाट खटिएको संयुक्त प्रहरी टोलीले चेकजाँच गर्ने क्रममा पक्राउ परेको नेपाली द्वयबाट नेपालमा प्रतिबन्धित बिभिन्न प्रकारको लागु औषध बरामद भएको प्रहरीले जनाएको छ ।
प्रहरीका अनुसार पक्रउ परेकाहरुले प्रयोग गरेको ग १६ प ५२४६ नम्बरको सकुटरबाट २ एमएलको बुप्रेनरफिन ५० एम्पुल, फेनारगन ५० एम्पुल र डाइजोपाम ५० एम्पुल बरामद भएको छ । उनीहरुले स्कुटरको डिक्कीमा राखेर पोखरा तर्फ जाने तरखरमा रहेका उनीहरुलाई बाटैबाट नियन्त्रणमा लिइएको प्रहरीको भनाई छ ।
नेपाली द्वयलाई लागु औषध कारोवार नियन्त्रण मुद्दामा रुपन्देही जिल्ला अदालतमा पेश भएकोमा अदालतबाट म्याद थप भई इलाका प्रहरी कार्यालय बुटवल रुपन्देहीबाट आवश्यक अनुसन्धान थालेको प्रहरीले जनाएको छ ।
प्रतिक्रिया